General Santos City—Gibati gihapon ug sakit sa buot ni Retired Police Chief Inspector Nelson Pabalinas ang amahan ni PCI Ryan Pabalinas ang usa sa saf 44 nga namatay sa nahitabong engkwentro sa kapulisan ug mga myembro sa MILF ug BIFF sa Sitio Tukanalipao, Mamasapano, Maguindano upat ka tuig na ang milabay.
Gibutyag ni Ret. PCI Nelson Pabalinas atol sa gihimong komemorasyon sa ikaupat ka tuig nga kasumaran sa brutal nga kamatayon sa Saf44, nga isip amahan sakit gihapon para kaniya ang nahitabo sa iyang anak apan gidawat matud pa niya kini tungod kay nasayod siya sa trabaho sa usa ka pulis.
Dugang pa niini nga wala na silay mahimo sa nahitabo kon dili ang mag padayon sa kinabuhi ingon man dawat na usab niini nga hangtud sa kasamtangan wala gihapon na kombikto ang mga tag-as nga opisyal nga nanguna sa nasangpit nga operasyon sa maong lugar batok sa Teroristang si Marwan.
Gani iyahang gipahinumduman ang byuda sa iyahang anak nga dili na mag sige ug huna-huna sa kaso ug mag fucos nalang sa pag padako sa ilang anak, tungod bisan matud pa ug masilotan ang mga akusado dili gihapon niini mabalik ang kinabuhi sa SAF44. (Dave Silagan)
