Natapos na ang halos usa ka bulang selebrasyon sa Kaamulan Festival 2018 sa probinsya sa Bukidnon.
Ang pulong KAAMULAN gikan sa pinulongang Binukidnon nga “Amol” – nagkahuloga’g “tigom” sa binisaya.
Katigoman o panagtigom alang sa mahinungdanong katuyoan ang buot ipasabot sa kaamulan – kun *“*gathering together for a cause*”* sa Iningles.
Usa kini ka okasyong sosyal sa lumad nga mga lumulupyo sa lalawigan sa Bukidnon <ceb.wikipedia.org/wiki/Bukidnon>.
Tulo ka semanang selebrasyon nga nagpasundayag sa lumadnon ug bahandianong mga sapot, mga hiyas, kultura ug tradisyon, ingon man nagbugkos sa tanan diha sa panagtigom ug naghiusa dili lamang sa mga Bukidnong lumad kondili ingon man sa tanang mga lumulupyo sa lalawigan.
Matag tuig sukad sa 1977 gisaulog sa Bukidnon ang Kaamulan Festival ug dinhi kini kanunay gipahigayon sa Dakbayan sa Malaybalay.
Atol niini adunay tulo ka catergorya sa indigay base sa resulta mao kini ang musunod nga mananaug:
*FLOAT COMPETITION *
Champion – Lantapan, Bukidnon
1st Runner-up – Quezon, Bukidnon
2nd Runner- up – Libona, Bukidnon
*STREET DANCING COMPETITION *
Champion – Malaybalay City
1st Runner-up – Valencia City
2nd Runner- up – Quezon, Bukidnon
*GROUND PRESENTATION COMPETITION *
Champion – Pangantucan, Bukidnon
1st Runner-up – Malaybalay City
2nd Runner- up – Kalilangan, Bukidnon
