Generally peaceful ang kasaulugan sa Kaamulan Festival 2019.
Sa interview sa RMN Malaybalay ngadto kang Police Captain Jiselle Longakit, ang spokesperson sa PNP Provincial Command gibutyag niini nga nagmalinawon ang tibook kasaulugan sa Kaamulan Festival sukad pa kaniadtong Marso 23 nga mao ang opening sa aktibidad.
Matud ni Longakit nga bisan pa man nga adunay mga raliyesta niadtong Biyernes sa wala pa ang big day event apan ila matud pang gibantayan ang mga lihok niini.
Gidugang niya nga aduna lamay mga insidente sa pagkawala sa mga bata apan nakita ra usab kini sa mga ginikanan sa wala pa nahuman ang aktibidad kaniadtong Sabado.
Samtang nangayo’g despensa usab si Longakit sa hugot nga seguridad nga gipatuman sa kapulisan niadtong Sabado.
Gipasabot niya nga kamanduan sa PSG ang mao nga paghigpit sa seguridad ug igo lamang sila nagpatuman.
Nasayran nga dagha nang dismayado sa hugot nga seguridad nga gipatuaman.
Dungan niini nangayo ug pasaylo ang PNP Bukidon apan gipasabot ninii nga igo lamang sila nagtuman ug naghimo sa ilang trabaho.
