Davao City – Lauman sa publiko ang dakong kabag-uhan sa PhilHealth human gipirmihan ni Pangulong Rodrido Duterte niadtong Pebrero 20, 2019 ang Universal Health Care Bill.
Sumala ni Kleah Dublin-Guevarra atol sa pakighinabi kaniya ni RadyoMaN Misel Miral-Galve sa tulumanong Serbisyong Straight to the Point, gihimo na nga duha ka kategorya ang membership sa PhilHealth, mao ang direct contributor diin ang employed ug voluntary paying member ang ilawom niini samtang ang anaa sa indirect contributor mao kadto ang mga walay kapasidad nga mubayad panahon nga mu-avail sa health care services.
Apan matud ni Guevarra nga bisan pa man tanang Pilipino na ang maka-avail niini, kinahanglan gihapon kini magparehistro.
Dugang niini nga mamahimo na usab maka-avail sa primary services sama sa check up ug uban pa gani lauman usab nga dunay adjustment sa bayad sa mga employed ug voluntary paying member apan sa karon wala pay eksaktong detalye gumikan ginahimo pa ang Implementing Rules and Regulations (IRR) sa maong balaod ug mudagan pa kini og pipila ka bulan ayha maimplementa.
Ang PhilHealth maoy usa sa mga ahensya sa gobyerno nga mupatuman sa Universal Health Care Law.
RadyoMaN Renz Barbarona
