Gireklamo sa mga residente sa Purok 8 Sinai, Laguindingan Misamis Oriental ang kabaho nga gikan sa Lohas Hotel nga gitukod sa lugar.
Matud sa mga residente nga sobra na sa tuig nilang giantos ang kabaho sa ilang area.
Nasayran nga ila ng gidangop sa barangay ang maong problema, apan wala motuman sa kasabotan ang nasangpit nga hotel. Kini ang hinungdan, nga ilang gisaka ang reklamo sa municipal level, apan hangtud karong panahona wala pay resulta.
Aduna nay action nga gihimo ang Lohas hotel sa Laguindingan, Misamis Oriental kabahin sa reklamo sa mga residente sa ilang establisemento.
Matud ni Engr Jun Wario- ang incharge sa construction sa maong hotel, nga wala pa nahuman ang ilang construction.
Dugang pa ni Wario nga sa wala pa nila kini gisugdan, aduna silay permit nga na-approved sa gobyerno.
Sa karon aduna na silay gihimo aron nga ma-neutralize ang baho nga gireklamo sa mga residente .
