Roxas City, Capiz – Isa ka blood letting activity ang igapatigayon sa maabot nga Hulyo 19 sa City Mall sa Arnaldo Blvd., Roxas City, Capiz. Ini ang gintig-ulohan nga “KABALAKA Blood Letting Activity” kag pangunahan sang Provincial Disaster Risk Reduction and Management Office (PDRRMO) kapartner ang Philippine Red Cross – Capiz Chapter. Ang amu nga aktibidad ang kaangut sa selebrasyon sang National Disaster Resilience Month kag National Blood Donors Month nga gina-obserbar subong nga bulan sang Hulyo. Katuyoan sini nga mapasangkad ang ihibalo sang publiko para sa pagkakinahanglan sang “quality kag safe nga dugo” kag kilalahon ukon pasidunggan ang mga indibidwal nga regular nga nagadonar sang dugo.
(c)- PDRRMO
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
