SYUDAD sang Iloilo – Amat-amat na nga nagaugdaw ang kabalaka sang mga ginikanan sa pagpa-immunize sang ila mga kabataan.
Ginapakita ini sang mataas nga coverage sang supplemental imminiztaion sang Department of Health agud maytapna ang paglapta sang tipdas.
Suno kay DOH-Center for Health Development 6 (Western Visayas) Medical Officer III, Dr. Mary Jane Roches Juanico, as of March 27, halos 55 percent na ukon 328,056 sang 595,023 nga target nga kabataan gikan sa anom tumtob 59 ka bulan ang nabakunahan na.
Ang Phase 1 nagsakop sang 32 local government units (LGUs) nga may 132,144 ka kabataan nga nabakunahan kag ang phase 2 may 101 ka LGUs, kag nabakunahan ang 134,823 ka kabataan.
Sa bahin sang school-based immunization program may 68,871 na ka grade 1 pupils kag 36,610 Grade 7 ang nabakunahan as of March 27.
Sa karon may 336,467 pa ka kabataan nga dapat i-immunize ang DOH.
Target sang DOH nga malambot ang 80% kun indi gidman malambot ang 95%.
Nahibaluan nga may 1,621 na ka suspected cases nga may anum ka patay sang tipdas sa rehiyon.
Photo from web
