Pagadian City – Hustisya ang singit karon sa pamilyang Legaria ug Ebal human gipusil sa gituohang mga sakop Bangsamoro Islamic Freedom Fighters (BIFF) ang duha ka mga canvasser sa candy nga pulos taga-dakbayan sa Pagadian didto sa lungsod sa Shariff Saydona Mustapha sa probinsya sa Maguindanao niadtong nakalabay nga semana.
Naila ang mga biktima nga sila si Jomarie Legaria ug Wendel Bas Ebal nga gitulis ug gipatay sa mga sakop sa BIFF sa nahisgutang lugar. Sa eksklusibo nga interview sa DXPR-Pagadian kang Racquilyn Legaria ang asawa ni Jomarie nga possible matud pa nga naalaan nga asset sa sundalo ang iyang bana ug ang kauban niini.
Bisan anaa sa kasubo ang pamilya sa biktima nitunol gihapon kini og pasalamat sa kapulisan sa probinsya sa Maguindanao nga maoy nangita og paagi nga mahatod ang patay nga lawas sa mga biktima.
