ILOILO CITY – Halos 300 ka mga kabataan nga ginakabig children-at-risk ukon CAR ang una nga hatagan sang libre nga mga pito sa idalum sang pito para sa bata sang Iloilo City Council for the Protection of Children (ICCPC).
Suno kay Social Worker Merlyn Gison, focal person sang child and youth welfare program nagdesisyon sila nga i-mainstream na ang ila programa nga pagpanagtag sang protection whistles.
Kabahin ini sang kampanya para sa kaluwasan sang kabataan batok sa illegal drugs, abuse kag exploitation, calamities kag disasters, sa idalum sang “comprehensive program for children at-risk in the street.”
Kaupod sang libre nga pito hatagan man sila sang PVC bags nga may nakalista nga hotlines nga mahimo tawgan.
Inisyal nga magabaton amo ang mga beneficiaries sang task force on street children bangud sila ang pinakavulnerable.
Igarelease ang mga pito sa Disyembre 11. //// Photo from web
