Kabataan prayoridad nga bakunahan sa City Health Office batok sa sakit nga tipdas

Prayoridad sa City Health Office ang mga bata nga nag-edad unom ka bulan hangtod tulo ka tuig sa nagpadayon nga pagpamakuna batok sa tipdas.  
Sumala pa ni City Health Officer Dra. Cherlina Cañaveral nga ang maong mga pangidaron sa kabataan sagad mataptan sa tipdas hinungdan nga ila kining gihatagan ug prayoridad karong panahona.  
Apan sumala ni Canaveral nga lakip gihapon sa ilang bakunahan kadtong mga kabataan nga nagtungha hangtod grade 6 sa elementarya.