Davao City – Kinahanglan ang magdumala sa gobyerno dunay kahadlok sa Dios ilabina sa mga kabatan-onan alang sa pagpili sa Sangguniang Kabataan (SK) ug Barangay Election sa Mayo 14 ning tuiga.
Sumala ni Sovereign Grace Baptist Church Pastor Andres Atup, mahinungdanon ang kabatan-onan tungod kay sila ang paglaum alang sa umaabot nga henerasyon.
Samtang gipasabot usab ni Pastor Atup, tungod sa linghud nga pangedaron, dili gyud unta apilon sa pamulitika ang kabataan pinaagi niining SK karong panahona.
Matud ni Pastor Atup, mamahimo mang mosalmot ang kabatan-onan apan kanang anaa na sa ensaktong edad ug kasinatian.
Sa pikas bahin nagtoo si Pastor Atup nga nagtudlo lang sa mga kabatan-onan og negatibong impluwensya sama sa kurapsyon ang ingon niini nga mga tumong.
RadyoMaN Bernard Pantallon
