iFM Laoag – Opisial a naipublicar ti pannakaibunong dagiti patrol a motorsiklo nga agmaris puraw ken nangisit iti Ilocos Norte Police Provincial Office wenno INPPO ita nga aldaw Octubre 28, 2019.
Ngem sakbay a naited kadagiti agsasabali a kwerpo ti pulista ditoy Probinsia ket binendisionan ni Reverend Father Engelbert Elarmo dagiti siam (9) a Honda XRM a motorsiklo ken kinararaganna iti pannakausar dagitoy iti nasimbeng ken natalged a wagas ti serbisio.
Mausar dagiti baro a motorsiklo a pagronda dagiti nagduduma nga istasion a mangtalged iti seguridad kangrunaanna dagiti chief investigator a nakaipiaranda.
Maited dagiti motorsiklo iti istasion ti Adams ,Badoc, Carasi, Dingras, Pagudpud, Pasuquin, Pinili, Vintar ken iti Currimao.
Maipalagip a naiget ti panagsagsagana amin a kameng ti Philippine National Police iti probinsia mainaig ti tradision a maar aramid a pananglaguip kadagiti addan iti sabali a biag a pampamilya wenno iti panagfiesta dagiti minnatay. (Joe Ann Agustin, RMN News)
