Davao City – Priso na San Pedro PNP ang usa ka negosyante nga gitago lang sa pangalan alyas Renzo, 52 anyos, nagpuyo sa Matina Aplaya siyudad sa Davao, human matud pa gireklamo sa usa ka bana nga si alyas Lito, 53 anyos, nagpuyo sa Dalisay Cabaguio, Agdao.
Sa report gikan San Pedro PNP, pasado alas-11:00 kagabie naaktuhan sa bana ang iyang asawa nga si alyas Vickie ang nakighilawas kauban sa suspek didto sa usa ka Tailoring shop nahimutang sa may Quimpo Boulevard ning dakbayan.
Apan abtik nga niambak ang asawa sa bintana padulong sa wala matinong direksiyon samtang ang bana daling nagpatabang sa kapolisan hinungdan sa pagkaaresto ni alyas Renzo.
Sa interbiyu sa RMN Davao ngadto sa suspek nga si Renzo, iyang gihimakak ang maong pasangil samtang ang bana nga si Lito ang pursegido nga mupasaka og kaso batok sa suspetsado.
RadyoMaN Don Pulayao
