Roxas City, Capiz – Ginplastar subong ni City Councilor Moreno Gonzaga sa city council ang reklamo sang pila ka mga operators sang traysikol angut sa kabudlay sang proseso sa pagpa-renew sang prangkisa sa city hall.
Pila sa mga ini ang nagasiling nga indi madali ang renewal tungod nga kinahanglan pa anay magkadto ang mga nagaproseso sa pila ka mga personalidad para sa nagakaigu nga validation antes nga igapasa ang mga requirements sa talatapan sang Tricycle Franchising and Regulatory Unit (TFRU).
Samtang ginpanugyanan naman sang mga katapo sang city council ang natungdan nga complainants nga kun mahimu magdihon sang affidavit agud nga ini ang pormal nga mapresentar sa Sangguniang Panlungsod kag mahatagan sang atensyon.
Pinaagi sini malikawan ang anuman nga mga sahe sang espekulasyon.
