Retired BFP Fire Marshal Pancho dela Cruz, ginkumpirmar nga indi na pagdayunon ang pagpapirma sang ‘Manifesto of Support’ kay Don Chiyuto

94

Roxas City, Capiz – Indi na pagdayunon ni retired Fire Marshal Pancho dela Cruz ang pagpapirma sang ‘Manifesto of Support’ kay Doc Chiyuto para magapangabay sa Securities and Exchange Comission ukon SEC nga tugotan ang operasyon sang iya kompaniya nga Chiyuto Creative Wealth Document Facilitation Services(CCWDFS) agud makapatigayon na ini sang pay-out sa mga investors.
Bangud sa mga nauna nga pagklaro kag statement nga ginpaguha ni former Pilar Mayor Gideon Ike Patricio, ginpasalig ni Dela Cruz nga wala na sang madayon nga manifesto nga papirmahan sa mga nangin investors.
Nagalaum man ini sang isa ka positibo nga resulta sa mga masunod nga inadlaw. Iya man nga ginapunto nga ginarespetar man sini si former Mayor Ike Patricio kag ang talatapan ni Don Chiyuto.
Kun pagalantawon gid suno kay Dela Cruz, isa lamang ang ila nga tinutuyo kag ini amo nga makabulig sa mga tawo nga investors.
Aminado man si Dela Cruz nga sang mga nakaligad nga inadlaw, nagapalamangkutanon ang publiko angut sa kun anu ang mga update gani nga nagdihun ang kaupdanan sini sang nasambitan nga manifesto.
Samtang kasunod sang desisyon nga ipa-iway ang pagpapirma sang manifesto, nagpangayo man sang pasaylo si Dela Cruz sa tanan nga naapektuhan sa nasambitan nga tikang kag ginpasalig nga paga-untaton ang iya nga krusada subong nga nasanagan na sa mga bagay-bagay.

Facebook Comments