Gibutyag sa magulang nga si Police Master Sergeant Sharon Corsino, hilumon apan down to earth ang iyang manghod ug gani kung anaa lang kini sa ilang balay sa Bago Oshiro Mintal, dili mailhan nga pulis si Mark Anthony, gumikan sa iyang pagka-buotang anak.
Segun ni Sharon, gumikan sa kamaayong tawo ni Mark Anthony, daghan kinig mga amigo ug kaila, sanglit wala niini gigamit ang pagka-pulis aron mamintaha sa ubang tawo.
Ikatulo nga Anak si Police Corporal Mark Anthony Corsino ug sa ilang pamilya tulo silang managsuon nga misunod usab sa tunob sa ilang amahan nga usa ka retiradong pulis, busa sakit kaayo ug dili madawat sa Pamilya, ang brutal nga pagpatay kang Police Corporal Mark Anthony Corsino.
Matud ni Police Master Sergeant Sharon Corsino, dili gayud sila magpa-areglo ug ilang idayon ang kaso batok sa suspek nga si Rico Masacay, aron mahatagan og hustisya ang kamatayon sa ilang igsoon.
RadyoMaN Joel Viray
