Gipahugtan karon sa Bureau of Fire Protection kon BFP Malaybalay ang pagpalapnag sa ilang mga hotline numbers nga matawagan 24/7.
Sa interview sa RMN Malaybalay ngadto kang SINSP Lloyd Villaroya, ang City Fire Marshall gibutyag niini nga ang ilang buhatan maoy lead agency sa pagpatuman sa RA 9514 kon Fire Code of the Philippines diin gimandato ang pagluwas sa kinabuhi ug kabtangan sa katawhan tungod sa sunod.
Bisan pa man giklaro niini nga adunay mga panahon nga dili kalikayan nga adunay mahitabong sunog maong mas maayo matud pa nga ang kada panimalay adunay hotline number sa BFP aron dali nga makatawag kung adunay mahitano nga sunog sa ilang lugar.
Ang hotline number sa BFP mao ang 09178832911, 813-5449 Hotline 160.
Pasabot ni Villaroya nga kadaghan sa katawhan ang wala nakabalo sa ilang hotline maong imbes masalbar ang nahitabo nga sunog dili na hinoon kini makapanawag ug tabang ngadto kanila.
Nagpahimangno usab kini batok sa mga prank calls.
