Sarangani, Davao Occidental- Apil nga ginabantayan karon sa mga kapulisan ilabi na ang Philippine Coast Guard (PCG) Maveas- Sarangani Davao Occidental ang mga kabaybayunan nga bahin sa ilahang lugar aron nga dili malutsan sa mga dautang elemento.
Sa interbyu sa RMN GENSAN kang PO3 Gerard A. Go, ang Sub-Station Commander sa Maveas Sarangani Davao Occidental, nga todo-bantay ang ilahang buhatan aron nga dili gyud malutsan sa mga dautang elemento sama sa terorista.
Dugang pa niini, nga padayon ang ilahang ginahimong mga foot patrol, og pagbantay sa kadagatan.
Nasayran nga posibleng agianan sa mga kontrabando, og dautang elemento ang Sarangani Davao Occidental paadto sa ubang lugar sa rehiyon sa Mindanao, tungod nga hadool na usab kini sa nasud Indonesia.
Sumala pa kang Go, nga mas mahinungdanon man usab ang tabang sa komunidad pinaagi sa pagpaabot kanila kung adunay mga tawong kadudahan nga makasulod sa ilahang area of responsibility.
Photo courtesy Mr. Graybert Malinog
