JUST IN! Kadagkuan sa New People’s Army (NPA) tag-ako na sila an responsable sa pagpangambush sa mga sakop sa Jehova’s Witness sa Brgy. Lahi, Gigaquit, Surigao del Norte na miresulta sa isa an patay ug duha an nasamdan. Tagkilaya an namatay na si Jepti Acido, 32 anyos, residente sa Brgy Tayaga, Claver, samtang ang mga nasamdan sila ni Virgil Flor Ortiz, 23 anyos, taga-Claver ug Adner Malaque, 20 anyos; taga-Gigaquit, puros mga ulitawo. Sa inisyal na pamahayag nan Spokesman sa NPA na si Ka Oto, tagpaabot niini an ila pahasubo ngadto sa pamilya, kaparentihan o kahigalaan sa Jehova’s Witness sa insidente. Tag-angkon niini an sajop na panghitabo, gani an mga kaibanan sakop sa Guerilla Front 16 sa Gigaquit an taghimoan nila nan imbestigasyon kon uno na nalakip an mga sibilyan. Dugang pa ni Ka Oto, andam sila na mosagubang sa mamahimong galastuhan sa mga biktima. Nangajo nan pasaylo si Ka Oto sa amo na panghitabo. > > > > > >
