Kadagkuan sa PNP ug Phil. Army sa Surigao del Norte nakaalerto sa ika-49 na annibersaryo sa CPP NPA Nakaalerto kuman adlawa an tibook puwersa nan Phil. National Police ug Phil. Army sa Surigao del Norte sa ika-49 na annibersaryo sa pagkamugna sa CPP NPA. Namahayag an PNP Prov’l. Director Senior Supt. Antony Maghari, pareho sa milabay na mga katuigan an permi na taghimo nila an pagpailayom sa Red Alert an lain-laing Municipal ug City Police stations sa posibilidad sa pag-atake ug paghimo nan kagubot sa mga New People’s Army. An Batallion Commander isab sa 30IB Phil. Army na si Lt. Col. Allen Tomas tagtudlo na nohimo sila nan koordinasyon sa PNP para sa Joint Checkpoints ug pagpalapad sa pag-monitor sa mga aktibidad sa mga rebelde. Sumaya pa, jaon sila sa defensive status ug andam sa bisan uno na sitwasyon labi na kay nagtuo sija na dili tumanon sa NPA an naunang ceasefire na tagpatuman nan mga ini.
