Kadam-an nga tawo ha Region 8, waray birth certificate

63

TACLOBAN CITY – Damo nga tawo ha Sinirangan Bisayas an waray live birth certificate basi ha datos han Philippine Statistics Authority o kun PSA Region 8.

Sumala kan Anesia Babante, Chief Administrative Officer Civil Registration and Administrative Support Division han PSA-8, gumawas an resulta ha survey han vital statistics division han ira buhatan nga hamubo an registration of birth ha rehiyon kun pagbabasihan ha 2015 census population kun diin nagawas nga sobra 600,000 pa an waray live birth certificate.

Dugang pa han opisyal, kadam-an ha mga diri narerehistro ha mga Local Civil Registrar an mga nag-uukoy ha tay-aw nga lugar ha rehiyon. Usa daw nga rason an kaharayo han Civil Registrar ha ira gin-uukyan ngan an baraydan han pagpa-rehistro.

Agud masulosyunan an mao nga problema, may programa an Civil Registrar ha bug-os nga nasod pinaagi han pagdumara hin mobile registration ha kada LGU’s agud maaghat an mga kag-anak nga iparehistro an ira mga anak.

Pasabot han PSA, dako an gamit ngan importansya nga magkamayda hin live birth certificate an usa nga tawo sanglit gamiton na an higayon nga makaparehistro.

Facebook Comments