Por primer vez el maga motorist ta biaja desde costa este para na pueblo ya experiencia con el bien largo condicion de trafico enantes aga principia na Divisoria hasta na Putik.
Bien estraƱo el maga vivientes quien mayoria bien consumido porcausa monton diila ya atrasa na diila cada-y-cual destinacion, si porque ancina de bien largo el traffic enantes donde el punta del maga vejiculo ya alcansa serca na Divisoria Elementary school mientras el otro punta lampas na entrada del Tumaga.
Asegun con el cuantos maga chuper, dia-mas-dia mast a queda ya terrible el traffic na mencionao lugar porcausa con el ta continua omenta numero del maga vejiculo especialmente maga privado.
Comparando con el maga tiempo que ya pasa, el mas largo traffic na Putik ta alcansa lang hasta na entrada de Gutierez Compound, pero enantes aga ya alcansa ya serca na escuela del Divisoria.
