Daku nga porsyento sang mga nagpaenrol na sa mga eskwelahan sa idalom sang Division of South Cotabato nga mas ginpili ang modular learning nga alternatibo nga pamaagi sang pagtuon sa tunga sang coronavirus disease ukon COVID-19 pandemic.
Suno kay Schools Division Supt. Ruth Estacio ini tungod sa 24, 488 na ka mga nagpaenrol sang nagligad nga semana 54. 22 percent nga luyag ang modular learning nga pamaagi sang pagtuon, 30.17 percent naman ang sa blended learning kag 8.89 percent sa online learning.
Nagaggwa man sa ila nga datos nga yara sa elementary level ang madamo sang gusto ang modular learning nga nagalab-ot sa 7,632 kag 533 lang ang luyag sa online, samtang sa junior high 3,455 ang luyag sang modular kag 954 sa online, sa senior high school 1,733 ang gusto sa modular kag 612 naman ang gusto sang online.
May-angot sini, ginapalab-ot ni Estacio sa mga ginikanan kag mga kabataan nga indi magkabalaka kon indi makaonline learning tungod ginapreparahan man sang Department of Education ang modular learning.
Samtang nagapadayon pa ang ginapatuman nga enrollment nga magadugay tubtob sa Hunyo 30 subong nga tuig.
