Davao City – Dili sold-out ang Kalipunan ng Damayang Mahihirap kun Kadamay-Davao sa sugyot karon nga ‘communal hog raising’ isip tubag sa African Swine Fever nga miigo sa duha ka probinsiya ug duha ka barangay sa Davao City sa Region XI.
Karon pa lang nakita na daan ni Kadamay Davao Focal Person Toto Bulcan ang mamahimong kahimtang sa mga kabus kung mahitabo gayod ang communal hog raising kun grupo nga pagbuhi og mga baboy.
Kun matigayon ang communal hog raising sa dakbayan, did-an na ang pagbuhi og baboy sa kaugalingong tugkaran kini aron malikayan ang pagkuyanap sa ASF virus sa ubang dapit sa rehiyon nga wala pa matam-i sa maong sakit.
Apan alang ni Bulcan, usa ka matang sa pang-ipit sa mga kabus kinsa nanginabuhi pinaagi sa pagbuhi og mga baboy sa ilang tugkaran ang sugypt nga communal hog raising nga buot mahitabo sa usa ka konsehal gikan sa ikaduhang distrito ning syudad.
Segun ni Bulcan, okey unta ang communal hog raising apan ang problema, ang mga palisiya nga mamugna sa mga opisyales siguradong dili pabor sa walay maambag nga kapital sa communal hog raising method.
Sa pikas bahin, gidayeg ni Bulcan ang lokal nga panggamhanan sa Cebu tungod sa hinanali nga aksiyon sa pag-ban sa karneng baboy gikan sa Mindanao partikular sa Davao City, apan kun kopyahon sa atong LGU ang pag-ban sa karneng baboy didto sa Cebu gikinahanglang maayo ug walay dautang katuyoan.
RadyoMaN Joel Viray
