Kadayawan 2021 gi-finalize na

57

Davao City – Giplastar na sa City Tourism Operations Office (CTOO) ang preparasyon alang sa 36th Kadayawan Festival karong tuiga dinhi sa syudad sa Davao nga himuon sa Agosto.

Matud ni Davao City Mayor Sara Duterte-Carpio (sa interbyu sa city-owned radio), tulo (3) ka adlaw ang maong aktibidad ug kini himuon ‘virtually’ tungod sa Coronavirus Disease 2019 (COVID-19) pandemic isip ikaduhang tuig nga iselebrar online.


Gisaysay sa alkalde, ang City Tourism na ang maghatag og opisyal nga anunsyo kabahin sa budget sa aktibidad, mga programa ug kanus-a ang petsa o schedule sa Kadayawan.

“Online tanan ang atong celebration sa Kadayawan. So it will be a 3-day event, all online and our City Tourism Office will make the announcement once mahuman, ma-ready and ma-final na siya,” sulti sa mayor.

Subay sa Executive Order (EO) No. 31 sa City Government of Davao, wala gitugot ang pagpahigayon og face-to-face non essential events/activities sa tanang local ug national government offices epektibo niadtong Mayo 26, 2021 hangtud sa Agosto 31 karong tuiga.

RadyoMaN Kirby Manzon



Facebook Comments