Davao City – Gibutyag sa Davao City Tourism Operations Office (CTOO) nga magpabiling online ang selebrasyon sa Kadayawan Festival sa dakbayan sa Davao sa Agosto karong tuiga (2021).
Matud ni Generose Tecson, City Tourism Head nga sama sa Araw ng Davao, virtual gihapon ang Kadayawan Festival tungod sa padayong pagtaas sa Coronavirus Disease 2019 (COVID-19) cases sa dakbayan.
Segun ni Tecson nga plano unta sa buhatan nga magbaton og duha ka set-up sa selebrasyon nga mao ang live ug online, apan tungod sa padayong surge sa kaso sa COVID-19 sa syudad, kini magpabiling online o virtual celebration aron malikayan ang panagtapok o mass gathering.
“We had really wanted na sana mag hybrid, meaning merong partly live then partly online kaso nga po nasa gitna po tayo ng surge (ng COVID-19 cases). So, virtual po (ang Kadayawan celebration,” sulti ni Tecson.
Dugang ni Tecson, aduna gihapoy mga highlight presentations atol sa online aktibidad nga maghatag kalingawan ug kasadya sa Davaoeños ug katawhan sa ilang tagsa-tagsa ka mga panimalay.
RadyoMaN Kirby Manzon
