Davao City – Sugdan karong adlawa (July 3, 2021) ang pagbakuna batok Coronavirus Disease 2019 (COVID-19) sa mga anaa sa transport sector/group.
Sa anunsyo sa City Government of Davao, gipanawagan niini ang tanang bus, jeep, taxi, ug tricycle drivers nga mamahimo na nga makapabakuna sugod karong adlawa, July 3 hangtud 22, 2021 alas 8:00 sa buntag.
Kini himuon sa Agro Industrial Foundation College of the Philippines campus nga nahimutang sa Quimpo Boulevard, Davao City.
Gipahinumdom usab sa nahisgutan ang pagdala sa ilang lisensya ug Public Utility Vehicle (PUV) ID atol sa pagpabakuna.
Alang sa dugang detalye, mamahimong i-kontak ang City Transport and Traffic Management Office (CTTMO) Helplines: Smart 0960-867-9384 ug Globe 0995-421-3525.
RadyoMaN Kirby Manzon
