Kadayawan: A celebration of life & unity

258

Davao City – Simbolo sa panaghiusa kun unity ug ‘inclusivity’ sa nagkadaiyang tribu kun lumadnong kagikan ang pagsaulog sa syudad sa ‘32nd Kadayawan Sa Dabaw’ karong tuiga uban sa tema nga ‘Stand Tall, United, Resilient!’ kun ang pagbarug nga maisogon, nagkahiusa ug malahutayon.
Sa iyang pakig-ambit atol sa primetime radio social commentary program nga ‘Straight to the Point,’ gibutyag ni Dr. Adrian Tamayo sa University of Mindanao Institute of Popular Opinion (IPO) nga kana maoy makonsidera nga usa sa mga lig-on nga kawsa kun rason nganong padayon sa pagprogreso ang metropolitan area latas sa katuigan.
Matud ni Tamayo, well-known kaayo ang Davaoweños nga maabi-abihon ingon man malaumon bisan taliwala sa mga pagsulay inubanan sa patas nga pagtratar niini sa nagkadaiyang hut-ong sa katawhan kinsa naglangkub karon sa modernong populasyon sa dakbayan.
Gitudlo sa iladong academic ang pioneering effort sa syudad diha sa inclusive governance pinaagi sa pag-establisar sa labing unang eksperimento sa katudloan sa gitawag nga mga ‘Deputy Mayors’ sa City Government kinsa nagrepresentar sa tingog sa marginalized sectors sa katilingban.
Nag-una usab ang Davao City diha sa pagpasar sa nataran sa asembleya-lokal sa Anti-Discrimination Ordinance diin hugot gidili ang pagpamentaha ngadto sa usaka tawo ‘by reason of gender, status in life, academic standing or one’s ethnic origin.’
Ang Davao population profile gilangkuban sa panagsagol sa impluwensya sa hut-ong sa mga Kristiyano, Muslim ug lumad (indigenous peoples) diin 11 ka mga ethnolinguistic groupings maoy matawag nga lumadnong kagikan sa Davao.
Ang napulo’g usa ka orihinal nga settler communities naglakip sa Tagabawa, Clata, Obu Manuvu, Ata Manuvu, Matigsalug, Maranao,Maguindanaon, Tausug, Sama, Kalagan ug Iranun.
Highlights sa selebrasyon karong tuiga naglakip sa Dragonboat Festival, Kadayawan Village and Bantawan, Dula Kadayawan, Subang Sinugdanan ug Panagtagbo,Tunog Kadayawan, Hiyas Sa Kadayawan, Kaondayawan, Indak-indak sa Kadayawan, Pamulak Sa Kadayawan ingon man ang Pitik Kadayawan.
Kasamang June Duterte

Facebook Comments