Dao, Capiz – Dead on arrival sang gindangat sa Dao District Hospital ang 17-anyos nga lalaki matapos bumunggo ang ginamaneho nga motorsiklo sa isa ka RoRo Bus sa Brgy., Balucuan, Dao, Capiz kahapon pasado 6:00 sang aga.
Ginkilala ang biktima kay Raven Fontanilla y Estorque, sang Sitio Pag-asa, Brgy. Carataya banwa sang Cuartero. Base sa imbestigasyon sang Dao PNP, natumba ang motorsiklo nga ginamaneho ni Fontanilla padulong sa linya nga ginasubay sang bus.
Bangud sini wala makontrol sang driver sang Ceres bus nga si Rommel Rialingo sang probinsya sang Laguna ang preno sang ginamaneho nga bus rasun nga nabungguan ang natumba nga motorsiklo.
Gin-release naman sang mga kapulisan sa banwa sang Dao ang 39-anyos nga driver sang RoRo bus matapos ang settlement nga nagpatunga sa management sang bus company kag pamilya sang biktima.
