Davao City – Dili pa opisyal nga gideklara isip holiday ang selebrasyon sa ika-33 nga Kadayawan Festival dinhi sa dakbayan sa Davao.
Kini maoy giklaro ni Davao City Councilor Al Ryan Alejandre atol sa gipahigayong presser kagahapong adlawa.
“We’ve passed a resolution asking the president for the holiday last month of June and we’re just waiting for the feedback from the Office of the Secretary to give us the final proclamation,” segun niini.
Gipasabot ni Alejandre nga kaniadto pang tuig 2012 nisumite siya ug si Councilor Belen Lopez og ordinansa nga mamahimong regular holiday ang Kadayawan matag ikatulo’ng Biyernes sa Agosto apan na disaprubahan kini sa Senate Hearing gumikan matud pa sa kadaghan sa holiday sa nasud Pilipinas.
Dugang ni Alejandre nga ginahulat usab nila ang pag-anunsyo gikan sa City Mayor’s Office bahin sa mga adlaw sa holiday alang usab sa preperasyon sa mga pribadong sektor subay sa Kadayawan celebration.
RadyoMaN Jason Amisola
