Wanted sa kasong murder sikop sa Pnp Postigo.

Hulog sa kamot sa kapulisan ang usa ka pinangita sa balaod human naghimo ug operasyon ang Leon B. Postigo PNP didto sa Purok 9, Batayan, Kalawit niadtong adlawang lunes.

Nakig coordinate ang Postigo Pnp ngadto sa Kalawit pnp aron sikopon si Joel Nataa y Bago, 35 anyos.

Aduna kini kasong murder ilawom sa cc no. S-3975 nga gipagula ni Judge Arturo M. Paculanang sa rtc 9 Judicial region Sindangan, Zamboanga del norte. Penetsahan kini ug Marso 5, 2007, walay pyansa nga gerekomendar ang korte bugti sa iyang temporaryong kagawasan.


Ang dinakpan human nga naproseso didto sa kalawit MPS, gilayong gidala kini sa Leon B. Postigo Pnp para sa pormal nga pag atubang sa korte sa kasong giatubang.

Sa laing bahin usa ka pagpanulis ang nahitabo didto sa may Pob. Bajo, Sergio Osmeña, ang biktima mao si Rodelyn Candongo, 52 anyos usa ka negosyante ug residente kini sa susamang dapit.

Matod pa, ang gi tulis kini sa wala mailang indibidwal apan swerte lang, tungod kay wala nagmalampuson ang tulisan, walay bisan unsang gamit o salapi gikan sa mga biktima ang natangag.

Mapasalamaton usab kini si Rodelyn tungod kay wala ra usab sila gipasakitan uban sa iyang tindero ug tindera apan ang winshield sa sakyanan sa may walang bahin ang na danyos kini.

Sa pagkakaron ang kapulisan sa Sergio Osmeña padayon pa ang ilang pagpangalap ug impormasyon aron sa posibleng pag-ila ug pagkasikop sa tulisan.

Facebook Comments