Davao City – Nalingaw ang mga Dabawenyo human nisaksi sa gipahigayong Kadayawan Dragonboat Festival 2018 niadtong Agosto 11 ug 12 diin gilangkuban sa 18 contingent natigayon sa may Sta. Ana Wharf, Magsaysay ning siyudad sa Davao.
Sumala ni Clarice Jane Calolot, head event organizer sa Kadayawan Dragonboat Festival, ang nidaug sa lima ka mga category mao ang mosunod:
Sa 400 meters Open Standard Boat, nahimong champion mao ang Bugsay Marajaw nga nakadawat ug P50,000, first runner up ang Kujaw Tiger Dragon nga nakadawat og P30,000, second runner up mao ang Dragon Warriors nga nidawat og P20,000.
Sa Mixed Standard Boat, champion mao ang Polilio Dragon Boat Team nakadawat ug P50,000, first runner up mao ang Dragon Warriors nga nakadawat ug P30,000, second runner up mao ang Dragon Davao del Sur nakadawat ug P20,000.
Sa Open Small Boat, ang champion mao ang PNP Maritime A nakadawat og P20,000, first runner up ang PNP Maritime B nga nidawat sa P10,000 ug ang second runner up mao ang UPC nga nakadawat og 5,000.00.
Sa Mixed Small Boat, ang champion mao ang PNP Maritime nakadawat og P20,000, first runner up ang Polilio Dragon Boat Team nakadawat og P10,000 ug ang second runner up mao ang Kujaw Tiger Dragon nakadawat ug P5,000.
Sa Women’s Small Boat, ang champion mao ang Kujaw Tiger Dragon nga nakadawat og P20,000, sa first runner up ang Butuan Dragon nakakuha og P10,000 ug ang second runner up mao ang Dragon Del Sur nga nidawat og P5,000.
Sa 200 Meters Category, ang champion mao ang PNP Maritime nakadawat og P50,000, sa first runner up mao ang Polilio nga nakadawat og P30,000 mientras ang second runner up mao ang Hiraya Minokawa nga nakadawat og P20,000.
Gidugang ni Calolot nga mas daghang contingents karugn tuiga pinaagi sa kapin 500 ka mga paddlers kun itandi sa miaging tuig nga anaa lamang sa kapin 300 ka mga paddlers ang aktibong nisalmot sa maong indigay sa binugsanay.
Dugang ni Calolot nga sa sunod nga tuig sa pagselebrar sa Kadayawan Festival, gilaumang mas daghan pa ang musalmot agi og pagpakita sa suporta sa engrandeng pagsaulog sa ning maong tinuig nga kasaulogan sa ani, abundansiya og progreso!
RadyoMaN Don Pulayao
