Davao City – Opisyal nga gibuksan karong adlawa ang ika-33rd Kadayawan sa Davao Festival 2018 sa Magsaysay Park.
Nidagsa ang mga tao aron musaksi sa Subang Sinugdanan ug Panagtagbo sa onse ka mga tribo sa lungsod pinaagi sa gihimong reenactment sa pagbinayluay sa ilang mga gipasigarbong mga produkto.
Gisundan kini sa usa misa sa pagpanguna ni CBCP president ug Davao Archbishop Romulo Valles.
Si Davao City Mayor Sara Duterte-Carpio maoy nanguna sa engrandeng Pag-Abli sa Kadayawan.
“The Pag-abli sa Kadayawan will not be possible without the support and cooperation of our 11 tribes represented by our Deputy Mayors for after all Kadayawan is a celebration of thanksgiving and a celebration of multi-cultural diversity here in Davao City. Let us celebrate the beauty of our diversity, let us give thanks for the blessings that our city has received and let us enjoy all the activities that have been set for this year’s festival,” matud sa mayor.
Ang festival karong tuiga mas dako ug mas engrande kini human nga daghang mga events ang giprepara para mudugok pa ang tanang mga bisita ug mg partisipante.
Gipaabot sa alkalde ang iyang pasalamat ngadto sa tanang mga partners ug mga Davaoeños sa walay puas nga suporta para sa syudad.
“As we officially open the 33rd Kadayawan Festival I am inviting all Davaoeños to go out and celebrate Kadayawan, to visit the Kadayawan Village here in Magsaysay Park featuring the traditional houses of our 11 tribes…mulantaw ta sa pasundayag sa mga malls ug public places, muapil ta sa mga kalingawan nga gimugda sugod karon labi na sa Indak-indak sa Kadalanan, Pamulak ug Pitik sa Kadayawan which is our highlight events,” sumala niini.
Gibutyag ni Duterte nga ang tanang security forces naningkamot ug nagtibangay aron lamang mapatuman ang hugot nga seguridad ug masegurong luwas ug mamahimong malampuson ang syudad atol sa ika-33 nga kasumaran sa Kadayawan.
RadyoMaN Aimee Guinita
