Kadayawan Festival himoong mas dako ug sadya karong tuiga

28

Davao City – Mas dako apan mas pinakasadya ang selebrasyon sa Kadawayan Festival sa taliabot nga buwan sa agosto karong tuiga.

Kini human nga miabot og 44 milyones ka pesos ang kinatibuk-ang pondo nga gigugol sa tibuok aktibidad sa Kadayawan Festival 2018.

Sa 44 milyones ka pesos, ang lokal nga kagamhanan sa dakbayan mugahin og 12 mil-yones ka pesos samtang ang nabiling 32 milyones ka pesos gisangon sa pribado.

Gisulti ni Mayor Inday Sara Duterte-Carpio nga iyang itugyan sa pribadong organizers ang dakong kantidad sa pondo alang sa kadawayan festival.

Nasuta nga 12 milyones ka pesos nga pondo sa lokal nga kagamhanan gamiton alang sa mga pagkaon ug seguridad.

Samtang ang 32 milyones ka pesos nga counterpart gikan sa pribadong sektor igahin sa prizes alang sa tanang events ug competition.

Target karon ni City Tourism Chief Generose Tecson nga makaagni og 200 mil ka bisita gikan sa lokal ug langyaw aron musaksi sa kasaulugan sa Kadayawan Festival.

Pipila sa highlight activity mao ang Indak-indak sa Kadayawan, Pamulak sa Kadayawan, ug Hiyas sa Kadayawan.

RadyoMaN Joel Viray

Facebook Comments