BACOLOD CITY – Indi “unusual” ang gina-claim sa karon nga pag-luha sang imahen ni Our Lady of Fatima sa isa ka chapel diri sa ciudad sang Bacolod.
Ini ang reaksyon sang anay Judicial Vicar sang Diocese of Bacolod kag karon Parish Priest sang San Antonio Abad, Monsignor Victorino Rivas angut sa ginasiling pagluha sang dugo sang imahen ni Fatima sa isa ka kapilya diri sa Bacolod.
Suno kay Msgr. Rivas indi na bag-o ang kaangay nga claim bangud nagakatabo ini indi lamang sa aton kundi sa bilog nga kalibutan apang indi ini gilayon ma authenticate sang simbahan bangud malawig nga proseso ang ginakinahanglan.
Pahayag ni Rivas nga ang kaangay nga hitabo ang isa ka personal nga interpretasyon kon diin nagapangita sang medium ang Birhen Maria agud ipalab-ot ang iya mensahe pinaagi sa apparition.
Ang importante lang suno kay Rivas amo ang pagpabilin sang devotion sang katawhan sa Iloy sang Dios nga amo ang nagatabang sa kakinahanglanon sang tagsa ka individual.
Ginaklaro man ni Msgr. Rivas nga ang simbahan wala naga correct sa mga tawo nga may interpretasyon sa mga unusual nga hitabo./dyHB BACOLOD
