TACLOBAN CITY – Nag-establisar an Philippine Army hin kadugangan nga pwersa han kasundaluhan nga igbubutang ha probinsya han Leyte.
Kun mahihinumduman nga dida han nakalabay nga Desyembre tuig 2016, gin bomba an bungto han Hilongos, Leyte kun diin napamatud-an nga binuhatan han Maute nga grupo.
Bisan man gud waray na gyera ha Marawi City innagpapabilin pa an Martial law ha Mindanao.
Sumala kan Major Gen. Raul Farnacio, Commander han 8th ID Phil Army nga an pagdugang hin pwersa hin kasundaluhan in makakabulig agud atuhan an mga armado nga terorista.
Dugang pa han opisyal nga an bag-o nga establisar nga 93rd Infantry Battalion nga napapailarom yana ha training ha camp Daza Fatima ha Hinabangan, Samar in ig-dedeploy partikular na ha kabukiran han Burauen, Jaro ngan Albuera kun diin namonitor han militar nga nag-establisar hin kadugangan nga pwersa an terorista nga grupo nga New People’s Army.
