*General Santos City— Andam makig-pusta si City Councilor Atty. Jeng Gacal hangtud usa ka milyon ka pesos higayon ga mag-file ug Certificate Of Candidacy on COC si kanhing Congressman Jun Acharon ug ma-disqualify.*
*Sumala niya nga 100% siya nga sigurado nga higayon nagfile ug COC ang kanhing kongresista maka-abot sa korte suprema ang aplikayson niini ug kini ma-disqualify gumikan sa kasamtangang balaud ilalom sa section 7 artcile 6 sa 1987 constitution.*
*Saysay nga higayon nga magfile ug COC si Acharon, siguradong magfile usab ug petisyon si shirlyn bañas para anselahon ang COC niini ilalom sa maong konstitusyon.*
*Dugang pamahayag ni Kag. Gacal nga kumpyansa siya sa ilahang baruganan gumikan nasayud matud pa siya sa iyahang balaud kung asa dili matud pa mamahimong mupapili sa ika-upat nga termino ang kinsa mang nakalingkod sa tulo ka sunod-sunod nga termino ug kini maoy gisulti sa balaud.*
*Alang kaniya nga ang adviser ni congressman acharon ang wala matud pa nasayud sa balaud. Pagpaklaro niya nga ang 1987 constitution ang makonsiderang anti-marcos dynasty.*
*Pagpasabot niini nga ilalom sa batakang balaud, gihatagan ug saktong panahon ang mga opisyal sa gobyerno nga mupapili sa eleksyon, usa ka termino sa presidente, duha ka termino sa mga senador ug tag tulo ka termino gikan sa kongresista hangtud na sa mga konsehal.*
