General Santos City–Dismayado si City Councilor Jeng Gacal human sa nahitabong pagpamusil duol lang sa City Hall gumikan usa ka dakong insulto sa kabahin sa LGU ug sa kapulisan ang maong krimen.
kini tungod nahitabo ang pagpamusul duol sa city hall ug likod lang sa Police Station 1. Alang kaniya daw sa ginahagit na sa mga kriminal ug maka-larma na ang kaso sa patay sa dakbayan.
Kinahanglan matud pa nga maundang ang samang krimen tungod dili kini maayo para sa dakbayan. Kung basihan ang datus, karong bulana lang dili muubos sa unom ang biktima sa pagpamusil sa dakbayan.
Dugang pamahayag ni Kag. Gacal nga buot niyang ipatawag sa hawanan sa konseho ang kapulisan sa pagpanguna ni Pol. Col. Aden Lagradante apan magdepende na matud pa kini kay Kag. Jose Edmar Yumang isip chairman sa komitiba sa peace and order.
Saysay ni Kag. Gacal nga adunay mga aspeto nga adunay maayong performance ang kapulisan, apan sa hisgutanang patay, kinahanglan matud pa nga ilahang i-review ang ilahang performance.
Gilauman niya nga mahatagan ug kasulbaran ang tanang krimen gumikan dili kini maayo sa lideraro niya sa GSCPO.(LVR)
