General Santos City— Gidayeg ni Gensan City Councilor Atty. Franklin Gacal Jr., chairman Sa Peace And Order sa konseho ang Gensan City Police Office human maitala ang taas nga ihap sa mga misurender gikan sa 180 nga target sa oplan tokhang.
Apan iyahang panghinaut nga ang duha nga mga target sa tokhang nga napatay atol sa operasyon sa kapulisan ang dili na madugangan.
Apan basi sa iyahang kasayuran misukol ang mga nahisgutan rason nga napusilan sa kapulisan ug sakto lang alang kaniya nga maunhan sila sa tropa.
Kahibaluan nga usa gikan sa duha nga target nga namatay mao si Bryan Curtado nga napatay sa Regional Police Drug Enforcement Unit (RPDEU) human matud pa nga misukol sa kapulisan dihang gihimo ang operasyon sa may Narangita St., Brgy. South ning dakbayan.
