General Santos City— Giangkon ni Gensan City Councilor Atty. Jeng Gacal, chairman sa Peace And Order sa konseho nga iyahang gika-alarma ang sunod-sunod nga pagpamusil-patay sa dakbayan sulod pa lang sa tulo ka semana.
Busa iyahang gipanawagan ang atesnyon ni Police Senior Superintendent Romeo Ruel Berango, Acting City Director sa Gensan City Police Office nga tutukan ang maong kaso.
Pamahayag niini nga dihang iyahang gipatawag kaniadto si Col. Berango, naundang ang patay ug iyaha kining gikalipay, apan sa karon, dili na niya buot pang ipatawag sa konseho si Berango aron patubagon unsay nahitabo sa sunod-sunod nga patay.
Dugang pamahayag ni Kagawad Gacal nga iyahang ipasuta unsay background sa tulo ka mga biktima sa pagpamusil-patay sa dakbayan nga sumala pa hinimuan sa riding in tandem.
Apan kung basihan matud pa ang inisyal nga impormasyon sa mga biktima, usa ang kanhing supervisor sa kumpanya nga nahimong tricycle driver, usa ang van driver ug pinaka-uwaheng biktima mao ang kanhing miyembro sa csu nga usa ka hantakero.
Ginhisgutan niini nga kung riding in tandem ang mga suspek, sagad gyud kanila ang binayran aron sa paghimo sa maong krimen.
Kalabot niini, gibutyag ni kagawad gacal nga dugay ng panahon nga riding in tandem ang suspek sa halos tanang pagpamusil-patay sa dakbayan apan hangtud sa karon, wala pay nadakpan.
Rason nga posibleng adunay sayop o kakulangon sa intelligence network sa kapulina ug kinahanglan nga aduna silay mahimo aron nga sulbaron ang maong krimen.
Gumikan sa nagakahitabo s akaron, nakahatag na matud pa kini ug pagduda sakatawhan nga posibleng adunay kalambigitan ang kapulisan sa maong patayan.
