*General Santos City— Aminado si Gensan City Councilor Atty. Franklin Gacal Jr., nga dili gyud niya buot buhian ang komitiba sa peace and order ug nasayud siya nga dugay ng interesado niini si Kagawad Jose Edmar Yumang.*
*Busa dako ang iyahang pagtuo nga nakig-istorya si Kag. Yumang kang Mayor Ronnel Rivera nga kung mamahimo nga siya maoy muhupot sa maong komitiba ug isip loyal sa partido, iyahang gihatag ang komitiba sa peace and order.*
*Saysay iya nga usa sa mga hinungdan nga gina-ingon nga dili siya kwalipikado sa komitiba sa peace and order gumikan sa iyahang sitwasyon nga dili maka-adto sa mga scene of the crime, apan gipaklaro niya ng dili niya kini trabaho gumikan dili siya maoy mayor sa syudad.*
*Dugang pamahayag ni Kagawad Gacal nga ang iyahang trabaho mao ang paghimo ug balaud ug wala siya’y direktang kontrol sa lokal nga kapulisan gumikan kiniu trabaho man sa executive partikular na sa mayor.*
*Saysay niya nga bisan pa man nga dili na siya maoy naghupot sa maong komitiba, iyahang gipasigarbo nga sulod sa pipila ka bulan nga siya ang nahimong chairman, nakit-an niya nga mi-ubos ang krimen sa dakbayan hilabina ang kaso sa riding in tandem.*
*Sa paglingkod ni kag. Yumang isip bag-ong committee chair sa peace and order, dili niya masulting dili kaya sa konsehal, apan panahon ra matud pa ang makasulti niini.*
