*General Santos City— Gilauman ni Gensan City Councilor Jeng Gacal nga mapasar sa adlaw’ng martes ang iyahang resolusyon nga iduso nga temporaryong mag-ban sa tanang Chinese National nga gikan sa mainland China.*
*Kini gumikan subay sa datus, ang outbreak sa novel coronavirus ang anaa sa China rason nga angayan lang nga bawalan una sila sa pagsulod sa dakbayan.*
*Apan gipaklaro niya nga kung ang mga chinese national ang gikan sa ubang nasud ug dili direktang naggikan sa China, walay rason aron nga sila bawalan nga musulod sa Gensan.*
*Dugang pamahayag ni Kagwad Gacal nga sa mga Chinese National nga musold kinahanglan nilang magpakuta ug pamatuod nga negatibo sila sa corona virus.*
*Wala mayud pa siya’y labot kung tawgon siyang dili patas, apan alang kanila labiong mahinungdanon ang panlawas sa katawhan sa dakbayan.*
*Nangayo man usab siya ug pasensya sa mga Chinese National nga dili matugutang makasulod sa dakbayan apan alang kaniya, ang temporaryong pagban kanila ang usa sa mga epektibong pamaagi aron nga dili mukkatag ang novel corona virus sa Gensan.*
