General Santos City— Gika-alarma ni Gensan City Councilor Atty. Franklin Gacal Jr, Chairman sa Committee On Peace And Order ang padayong operasyon sa tolendoy sa dakbayan.
Sumala niya nga gumikan mga kabataan ang target sa maong padula, daghan ang mga apektado hilabi nga uban sa mga kabataan ang dili na musulod ug mga tunghaan.
Saysay ni Kag. Gacal nga ang sugal ang alang lang sa mga edaran, apan awhag niini nga mahimoi lang nga responsable, apan kung kabataan na ang mahimong biktima, lahi nga hisgutanan na matud pa kini.
Pamahayag ni kagawad gacal nga ang mga iligalista ang sagad magpadakop gyud aron nga adunay areglong mahtabo busa dako ang iyahang pagtuo nga adunay kasayuran ang mga pulis sa operasyon sa tolendoy sa dakbayan.
Pinaagi matud pa sa maong mga slot machines kon tolendoy, nagahimo ug henerasyon sa mga sugarol ang dakbayan sa GenSan kung dili kini mahatagan ug aksyon sa kapulisan.
