General Santos City— Walay legal nga basihan ang kapulisan sa pag-aresto sa kinsa mang tambay nga ilahang makit-an. Kini ang gibutyag ni Gensan City Councilor Atty. Franklin Gacal Jr., chairman sa Committee On Peace And Order.
Sumala niya nga walay katungod ang kapulisan nga arestuhon ang mga tambay gumikan wala may balaud nga magtugot kanila sa paghimo sa pag-aresto. Dili matud pa kini makonsidera nga usa ka criminal act gumikan wala man kini hinimuan nga dautan.
Dugang pamahayag ni Gag. Gacal nga illegal ang pag-aresto sa mga tambay ug makonsidera kining unconstitutional kung asa pagsupak matud pa kini sa due process.
Wala matud pay unsa mang basehan nga sila arestuhon tungod dili mamahimong epektibo sa mga tambay ang warrantless arrest gawas nalang kung aduna silay mga hinimuan nga dautan o naaktuhan nga naghimo ug krimen.
