Nagplanong mohatag og financial assistance ang kagamhanan sa lalawigan sa Sugbo ngadto sa mga naapektuhan nga residente sa miigo nga linog sa Leyte .
Matod sa gobernador sa sugbo, Gobernador Junjun davide, nga tinguha niyang makigtagbo sa mga opisyal sa kapitolyo ug hunta probinsyal kung unsa nga pamaagi ang ilang himoon kabahin sa maong donasyon .
Ang miigo nga magnitude 6.5 nga linog sa Leyte nabati sab sa sugbo diin tanang trabaho sa opisina ug mga klase sa tunghaan gipangkanselar alang sa kaluwasan sa mga estudyante ug trabahanti .
Taliwa nga nasinati sab ang pagtay-og sa Sugbo, ang Provincial Disaster Risk Reduction and Management Office sa lalawigan wa’ makatala og dakong danyos sa tanang lungsod ug component cities sa Sugbo human sa maong linog .
