Kagamhanang local nitabang sa mga nabiktima sa linog

31

Pagadian City – Nanguna mismo si Pagadian City Mayor Sammy Co sa pagsuta sa mga tabang nga gipadala kagamhanan sa lokal nga ayuda ngadto sa mga biktima sa linog sa Probinsya sa North Cotabato ug Davao del Sur.
Atubangan sa City Hall gikarga sa mga dumptruck ang mga bugas, tubig ug trapal nga ipapod-apod ngadto sa nabiktima nga gibana-banang mokantidad sa usa ka milyon.
Gidugang sa Mayor nga ang pagtabang sa syudad sa Pagadian paagi aron inanay nga makabakod ang mga apektado nga pamilya sa maong trahedya ug aron matabangan usab ang syudad sa Pagadian kun dunay mga wala damhang kalamidad nga moigo sa dakbayan.
Kahinumduman, dili tiaw ang mihapak nga trahedya sa North Cotabato dihang sunod-sunod ang pagtay-og nga nasinatian sa dapit.
Adunay mga nakalas nga kinabuhi ug daghan puloy-anan ang nangaguba ug gani daghang pamilya ang nihiklin paingon sa probinsya sa Zamboanga del Sur.

Facebook Comments

From Advertisers