Kagamhanang lokal sa Iligan gibawi ang mga patrol cars nga gidonar ngadto sa kapulisan

Gikumpirma ni Vice Mayor Jemar Vera Cruz nga ilang gi-protestaan ang kapulisan sa Iligan human kalit lang gihulipan ang kanhi City Director nga wala sa ilang kasayuran.

Matud ni Vera Cruz, nga kabahin sa ilang protesta mao ang pagsuspend ug pagbawi sa mga patrol cars nga gidonar sa kagamhanang lokal.

Nasayran sa RMN Iligan nga gihulipan ni Police Superintendent   Rene P. Solidarios nga gikan sa rehiyonal nga buhatan sa PNP si kanhi City Director   PSSUPT Manuel Sukarno Alvarez.
Si Alvarez milingkod isip City Director sa dakbayan sa Iligan sugod niadtong Hulyo 2018 hulip ni Col. Leony Roy Ga.


Sumala ni Vera Cruz, ang mga patrol cars gibutang karon sa kampo sa CAFGU aron mabantayan ug aron  wala’y makakakuha niini.
*photo credits to the owner

Facebook Comments