Pagkunhod sa kapobrehon sa Misamis Oriental, gikalipay sa gobernador

14

Gikalipay ni Misamis Oriental Governor Bambi Emano ang nuybe porsiento nga pagkunhod sa kapobrehon sa lalawigan nga dunay dako og epekto sa inadlaw adlaw nga panginabuhi ug pagkabuhi sa katawhan.

 

Ang maong datos gipagawas sa National Economic and Development Authority o NEDA Region 10 bag-uhay lamang.

 

Gipasabot ni Governor Emano nga kun dunay 900-mil ka molupyo sa Misamis Oriental mokabat sa 8,100 ka mga kabus ang nahatagan sa higayon nga makaangkon sa kahayahay sa kinabuhi kinsa makakaon na katulo sa isa ka adlaw, gawas pa sa duha ka higayon nga snacks.

 

Nasayran nga sa tuig 2017, dunay uno porsiento lamang nga pagkunhod sa ihap sa mga kabus sa lalawigan.

 

Samtang, base usab sa datos sa NEDA nga ang Misamis Oriental maoy nag-unang probinsya sa tibuok Rehiyon 10 nga dunay ihap sa molupyo nga miasenso sa ilang panginabuhi, nakapa eskwela na sa ilang mga anak sa koliheyo ug nakatubag sa ilang panginahanglanon matag adlaw sama sa pagkaon ug balon.

 

Facebook Comments