Kagamhanang Probinsyal sa Bukidnon, nakuha ang Prime-HRM Bronze award gikan sa CSC

40

NAKUHA sa Kagamhanang Probinsyal sa Bukidnon sa pag panguna ni Provincial Governor Jose Ma. R. Zubiri Jr., ang Program to Institutionalize Meritocracy and Excellent in Human Resource Management (PRIME-HRM) Bronze Award, kini ang gibutyag ni Ms. Aida P. Loveres, PG Department Head, Provincial Human Resource Management Office o PHRMO.

Basi sa sulat nga gipaabot ngadto kang Governor Zubiri gikan kang CSC Regional Director IV Grace R. Belgado-Saqueton, CPA, diin gisukip niini ang kopya sa CSC Resolution No. 1901494, nga gi-probahan sa CSC ang pagpamatuod sa PRIME-HRM Bronze Award ngadto na sa Kagahamhanang Probinsyal sa Bukidnon diin naabot ang Maturity Level 2 Accreditation- Maturity Indicators sa tanang upat nga core HRM systems: Recruitment, Selection and Placement, Performance Management Learning and Development og Rewards and Recognition.


Tungod sa maong award, ang kagamhanang probinsyal gihatagan og mga prebilihiyo sa CSC sama sa mosunod: una, otoridad sa pag-approve sa mga appointments apan sakop gihapon sa post audit; ikaduha, beynte porsyento nga diskwento alang sa mga HRMO o Agency representative sa mga tranings/ conferences nga pagahimuon sa Civil Service Institute; ikatulo, pagduso o rekomendasyon sa mga scholarship grant nga gihatag sa ubang institusyon; ikaupat, nominasyon ngadto sa CSC Certification Program alang sa mga HRMOs; ikalima, eksklusibong pagpa membro ngadto sa community of learners nga adunay access sa mga digital learning resources og ubang developmental opportunities; ikaunom, pagpahibalo sa mga programa/proyekto sa ahensya pinaage sa CSC website og ikapito, ubang prebilihiyo nga ihatag sa CSC sa umaabot nga panahon.

Ang CSC regional office X mag pahigayon og ebalwasyon matag duha ka tuig aron lantawon kung unsa na ang kadak-on sa pagsunod sa tanang mga responsibilidad sama sa pag mentinar sa estado sulod sa level 2 og ang pagpadayun sa pagpalambo sa HRM systems aron maabot ang mga timailhan alang sa sunod nga lebel niini.

Gipaabot ni Ms. LOveres ang dakong pasalamat sa tanang opisyales, lumihok og mga empleyado nga tungod sa ilang pagpaningkamot kining tanan nakab-ot.

Facebook Comments