Gilangkuban ang mga narekober nga kagamitan sa usa Ak47 rifle, tulo ka mga hand grenades, duha ka improvised Explosive Device, Radyo, mga bala, cellphone, medical kit, tulo ka mga solar panels, duha ka sako sa bugas, ug mga nagkadaiyang dokumento.
Lakip usab nga naneutralize sa maong engkwentro ang temporaryong lungga sa komunistang grupo diin narekober ang mga kagamitang panggubat.
Kapin kon kulang 15 ka mga miyembro sa NPA ang nakaengkwentro sumala pa sa militar sa 8th Infantry Battalion sa Philippine Army sa dili muminus 13 minutos human makadawat og report gikan sa usa ka concerned citizen.
Wala ra hinooy natala nga nakabsan sa kinabuhi sa maong engkwentro sa bahin sa kasundaluan lakip na sa terroristang grupo.
Ang maong engkwentro ug pagkarekober sa mga kagamitan ug supply sa NPA, dako matud pang kawad-on kanila ilabi na nga ubay-ubay ang mga mitahan na nga mga miyembro niini.
